شعر الفرات

موضوع: شعر الفرات الإثنين يونيو 16, 2008 9:02 pm

شلـون تجري ومايك ازرك يافــرات
وانتــة ذنبك مـو ذنب يفـطر سمــة
اتسابكت بالطف على حسين السيوف
ومايك اول سهم في صدرة انرمــة
وطاح ابو السجاد يــم جرفك شهيد
ابين سيفين العدة وسيف الظــمة
وجــان مايك احـد من كل السيــوف
اثــر علـــى حســين حيــل وألــــمـة
السيــوف اعتنت تطلب دم حســين
وهاي حاسبهة الحسين ابمقدمة
بس بنات المصـطفـى حرت جبــود
حسيــن حر وهـاي للحــر تلجمـة
وعطش عبد الله التفرفح بين ايديه
وكطـع كماطــة ولعد مايـــك ومــة
هــاي بس وحدهــة صارت كربــلاء
عالحســين وكربلة من الشــرذمة
انـــة لو منك اودي ويــه الـــطيــور
ماي خاطــر منسـئل ليش ولـمه
لــكن انتة تريـد تذنب يـــــافـــرات
وهــاي ماتحتاــج شرح وترجــمة
افــرط عقد الدين وجروفـك تشوف
وجان ممكن غرفة منــك تلـظمة
عطشيـت الدين عــن بكــرة ابيــه
وكــطعيت جــفوف راعي الموزمة
تدري لــو مـايك وصــل يـم الخيام
جــا روة العبــاس منهم صــارمــة
وجان ما ردت رؤوس على الركـاب
وجــان ردت خيلهم تكطــر دمــــة
شلون يمك طاح عطشان الحســين
وما ركـض مايك ويــم جـدمة ارتمــة
طــاعت اسماعيـل صحــراء الحجــاز
وانتة شح مايك لبن حامي الحــمة
ماظن اسماعــيل اكرم من حســين
ولا اظــن امـــة تتقــدم فـــــاطــمة
ذاك ابــن نبــي سأل ربــة الجــليــل
كيف تحيي المـوتى وتـــرد قائــمـة
وهذا ابن حـيدر علي سيف الرســول
المـــايهــاب ابــدينة لــومـة لائــمــة
الكــال لو ينكشف عن عيني الغطــاء
مــايزيــد من اليقيــن الفـــاهــمــــة
يــا فــرات وتجـــري بــعدك يــــافــــرات
المايشوف الحـق عسة بعينة العـمة
كلهة ماتت خجــل يــا نهــر الفــرات
وانتة اخر شـاهـد على الملحــمة
كوم طم روحك حدر كبـر الحســين
واعــتـذر لله واطـــلب مـــرحمــة
كوم واغسـل مايــك برمل الحســين
وخــلّي مــايــك يــانــهــر يتيممـــة
وشـوف فـرق البينك وبيــن الكـــرام
حسين شاف الدين عطـشان الدمة
ضحى باخر قطرة من دمة الشـريف
وظــلت اخــر قطــرة ثــورة وقائمــة
حسين صافي واصفة من ماي الجنان
وانتة مــايك طين وجــروفـك طمـــة
حسين نبع الجود وانتة اسمـك نهر
ويــانهــر للمنبــع انـطـــة وكــرمــــة
حسين لــو منك شرب جان ارتويت
وجـا تشرف مايـك يــلامس فـــمـة
لاكـن انتــــة الحـظ عـمـاك وتيــهت
وسوء حظــك رادلـــــك هالخاتمــة