شعر العراق

هذا انته العراق الشامخ اعله الكون
وهذا اني العراقي وهذي تربيتي
اذا جاسك حزن مره وشكيت الاه
ينفض لونه حيل اعكال جفيتي
ماذب السواد ودوم اظل حزنان
وهو صاير شراكه بلون خاجيتي

وتريد احزان واكضيه العمر حزنان
ماطول النخل مات ويه برحيتي
وردلنه الحزن جوجه على باب الدار
يعاتب باب داري يكلهه مدريتي
غربان وحيايه انترست الكيعان
ولا مره انسحب سرقيهه كسريتي

جاوين السواعد والزلم والخيل
اذا من عندي بيه ايبوك خرجيتي
لتخلي فرق مابين هذا وذاك
هذا يكول بصري وذاك تكريتي
الارهاب اللعين يفرق الخوان
واني ابن العراق بسمعتي وصيتي

اذا اغضب اوجر الروح مثل النار
واكلبهه الثنيه بعالي ناصيتي
وامدايدي على طولي وانقسم نصين
واصيح الله واكبر شنهي تاليتي
الوكت ميزان دوم يوزن الخيال
ومعروفه الكحيله ومهرة التيتي

يروحي الحزن فاض وكاعده تنطرين
يصب دمع الثكاله بسجن حريتي
بعد ما ريد شبكه وتغلب الصياد
ولا صياد يغلب صيد سليتي



اتمنه تعجبكم وتحياتي الكم