نكت جميله ومضحكه جدا تفوتكم

نكت خفيفة بس حلوة ومضحكة
<hr style="COLOR: #14213f" SIZE=1>

1- مرة اتنين مساطيل راحوا يلعبوا بلياردوا راح واحد منهم وقف على الطرابيزة وقال
انا الجوووووووون

2- اب سأل ابنه ليه الاستاذ كتبلك حمار في الكراسه قالو
لا يا بابا دي امضته

3- مرة واحدة ظهر لها مصباح علاء الدين فمسكته وحكته فظهر لها الجني وقالها
شبيك لبيك .....راحت قاطعاه وقالت له سيبك من الفيلم الحمضان ده احنا حافظينه خش في المهم قالها ليكي ثلاثة طلبات بس لي شرط قبل ما تطلبي اي طلب قالت له ماشي قالها ان أي طلب انت هاتطلبيه جوزك ها ياخد عشرة أضعافه قالت له ماشي ، أول طلب قالت له انا عايزة ابقى اجمل ست في العالم قالها خلي بالك جوزك ها يبقى اجمل راجل في العالم والستات كلها ها تجري وراه قالت له وانت مالك ما تشتغل وانت ساكت ، جلا جلا الست بقت اجمل وحدة في العالم والطلب الثاني قال له عايزة أبقى أغنى ست في العالم قالها جوزك هايبقى اغنى راجل في العالم وهايدور يسرمح في الكباريهات قالتله وانت ايش حاشرك ، جلا جلا بقت أغنى ست في العالم والطلب الثالث بقى والأخير قالت له أنا هانزل دلوقت أطلع على المستشفى وعايزاك أول ما أوصل على باب المستشفى يجيلي أزمة قلبية صغيرة ..........

4- مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة راحت
انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..دانا كنت معلقاه عشان ينشف

5- مرة مفتش تاريخ دخل الفصل فسال اول تلميذ من قتل كليبر فرد علية مش انا يا استاذ والثانى قال
والله ماعرف خرج المفتش زعلان وخرج المدرس وراة فاقال له انت متاكد ان الى قتل كليبر فى الفصل دة

يا رب النكت تعجبكم وتنال رضاكم